kraamaat@gmail.com
+ +92 333-430-6384


کرونا وایرس دی تباہی جاری55موتاں،1974نویں کیس ساہمنے آئے۔۔۔٭رویل نیوز٭


نمائندا رویل December 29, 2020


اسلام آباد (نیوز ڈیسک) کرونا وایرس نال 55 بندے چلانا کر گئے‘ جہدے بعد مَوتاں دی گنتی 9 ہزار 929 ہو گئی۔ پاکستان وچ کرونا دے تصدیق شدا کیساں دی گنتی 4 لکھ 73 ہزار 309 ہو گئی۔ نیشنل کمانڈ اینڈاپریشن سینٹر دے تازا آنکڑیاں دے مطابق پچھلے 24 گھنٹیاں دے دوران 1 ہزار 974 نویں کیسز رپورٹ ہوئے‘ ہُن تک 4 لکھ 23 ہزار 892 روگی صحتیاب ہو چکے نیں جد کہ 2 ہزار 263 روگیاں دی حالت ماڑی اے۔ پاکستان وچ کرونا نال اِک دن وچ 55 بندے واصل ہوئے جہدے بعد وایرس نال مرن والیاں دی گنتی 9 ہزار 929 ہو گئی۔ دوجے پاسے لاہور دے 33 علاقیاں وچ سمارٹ لاک ڈاؤن دا فیصلا کر لیا گیا اے‘ ضلعی انتظامیا نے فہرست کابینا کمیٹی نُوں گھل دِتی اے‘ کابینا کمیٹی تے محکما صحت دی منظوری دے بعد لاک ڈاؤن نافذ ہووے گا۔ وسیلیاں دے مطابق 12 وجے دے بعد مائیکرو سمارٹ لاک ڈاؤن نافذ کیتا جاوے گا۔ جوہر ٹاؤن دے ایف ٹی، جی تھری دی 1،1گلی، عزیز بھٹی زون دے علاقے کنال کالونی دی اِک گلی‘ عسکری ایٹ تے ڈی ایچ اے فیز ایٹ دی 1`1 گلی بند کیتی جاوے گی۔ ڈی ایچ فیز ون‘ عسکری ٹین دی 1`1 گلی‘ ڈیوائن گارڈن‘ والٹن روڈ دی 1`1 گلی‘ ڈی ایچ اے فیز ون‘ تھری دی 1`1 گلی‘ ڈی ایچ اے فیز تھری تے سوئی گیس سوسائٹی دی 1`1 گلی سیل ہووے گی۔ ڈی ایچ اے فیز فائیو دی 2‘ فیز فائیو دی 1 گلی‘ ڈی ایچ اے فیز فائیو سٹریٹ نمبر 8‘ ڈی ای اے فیز ایئر ایونیو دی سٹریٹ نمبر 7 تے شادمان کالونی ون دی سٹریٹ ون نُوں بند کیتا جاوے گا۔ ویلنشیا ٹاؤن جی بلاک‘ محلّا چمبیاں والا کھوہ دی 1 گلی‘ اقبال ٹاؤن راوی بلاک تے رچنا بلاک دیاں گلیاں بند ہون گیاں۔ ایسے طرحاں علاما اقبال ٹاؤن دے خیبر بلاک دی 1‘ بھلّا سٹاپ ملتان روڈ دی دی مین سٹریٹ‘ سمن آباد دی اُچیّ گراؤنڈ این بلاک دی 1 گلی جد کہ علاما اقبال ٹاؤ ن دے پاک بلاک دیاں 2 گلیاں بند تے نیلم بلاک نزد مدنی مسجد دیاں دو گلیاں بند کیتیاں جان گیاں۔ رضا بلاک دیاں 2‘ مسلم ٹاؤن دی 1 گلی‘ باغبانپورا عنایت واہگا دی 1 تے معیز ٹاؤن دے جہلم بلاک دی گلی نمبر 2 بند رہوے گی۔