kraamaat@gmail.com
+ +92 333-430-6384


نواں کرونا وایرس پاکستان اپڑن  دی تصدیق ہو گئی  ۔۔۔٭رویل نیوز٭


نمائندا رویل December 30, 2020


اسلام آباد (نیوز ڈیسک) برطانیا توں نواں کرونا وایرس پاکستان پہنچن دی تصدیق ہو گئی‘ محکما صحت سندھ نے برطانیا توں آن والے 6 روگیاں وچ کرونا دی تصدیق کر دِتی‘ 3 وچ نواں کرونا وایرس ہون دوی وی تصدیق۔ محکما صحت سندھ نے برطانیا توں آن والے 12 بندیاں دے کرونا ٹیسٹ لئے‘ 6 بندیاں وچ کرونا وایرس دی تصدیق ہوئی جد کہ 3 وچ نواں کرونا وایرس پایا گیا‘ ایہناں بندیاں نال رابطے وچ آن والے سارے بندیاں دے ٹیسٹ لئے جان گے۔ دوجے پاسے عالمی وباء کرونا دے کارن پاکستان وچ ہور 63 بندے جان دی بازی ہار گئے نیں تے مرن والیاں دی کل گنتی 9 ہزار 992 ہو گئی اے۔ نیشنل کمانڈ اینڈ کنٹرول سینٹر دے مطابق پچھلے 24 گھنٹیاں دے دوران کرونا دے 1 ہزار 776 نویں کیسز رپورٹ ہوئے تے مجموعی گنتی 4 لکھ 75 ہزار 85 ہو گئی اے۔ پاکستان وچ کرونا دے 4 لکھ 25 ہزار 494 روگی صحت یاب ہو چکے نیں تے 39 ہزار 599 علاج ہیٹھ نیں۔ کرونا دے کارن سبھ توں ودھ مَوتاں پنجاب وچ ہوئیاں نیں جتھے 3 ہزار 959 بندے جان دی بازی ہار چکے نیں۔