ملک وچ کرونا مثبت کیسز دی شرح 5.92 فیصد ہو گئی،اک دیہاڑ وچ1895نویں کیسز۔۔۔۔٭رویل خبر٭

اسلام آباد (نیوز ڈیسک) پورے ملک وچ ہور 1 ہزار 895 بندیاں وچ کرونا دی تشخیص ہوئی اے جد کہ 39 بندے زندگی دی بازی ہار گئے نیں۔ نیشنل کمانڈ اینڈ اپریشن سینٹر ولوں جاری آنکڑیاں دے مطابق پورے ملک وچ 24 گھنٹیاں دے دوران مجموعی طور اُتے 30 ہزار 139 کووڈ 19 ٹیسٹ کیتے گئے۔ ایس طرحاں ایس وباء دی تشخیص لئی ہون والے ٹیسٹاں دی گنتی 68 لکھ 49 ہزار 867 ہو گئی اے۔ پاکستان وچ ہور 1 ہزار 895 بندے متاثر ہو گئے نیں جہدے بعد متاثرا بندیاں دی کل گنتی 4 لکھ 88 ہزار 529 ہو گئی اے۔ پورے ملک وچ کرونا مثبت کیسز دی شرح 5.92 فیصد ہو گئی اے۔ سرکاری آنکڑیاں دے مطابق پچھلے 24 گھنٹیاں وچ پورے ملک وچ 1 ہزار 797 بندیاں نے کرونا نُوں شکست دے دِتی اے‘ جہدے بعد ایس وباء توں صحت یاب ہون والے روگیاں دی گنتی 4 لکھ 42 ہزار 457 ہو گئی اے۔ پچھلے 24 گھنٹیاں دوران پورے ملک وچ کرونا دے 39 مصدقا روگی واصل ہو گئے نیں جہدے بعد ایس وباء نال لقما اجل بنن والے بندیاں دی گنتی 10 ہزار 350 ہو گئی اے۔