نواز شریف عدالت دے حکم اُتے باہر گئے: یاسمین راشد ۔۔۔٭رویل خبر٭

راولپنڈی (نمایندا رویل) صوبائی وزیر صحت ڈاکٹر یاسمین راشد نے کہیا اے کہ نواز شریف عدالت دے حکم اُتے باہر گئے اوہ ہشاش بشاش نیں تے واپس پاکستان آنا چاہیدا اے‘ کرونا د نویں قسم دے چار روگی سندھ وچ نیں‘ لاہور وچ چار مشتبا روگیاں دی رپورٹ دا انتظار اے۔ ایہناں خیالاں دا اظہار اوہناں نے پیر والے دن راولپنڈی انسٹیٹیوٹ آف یورا لوجی دے دورے دے بعد پریس کانفرنس دے دوران کیتا۔ اوہناں نے کہیا کہ ایم ٹی آئی ایکٹ وچ ہسپتالاں دی نجکاری دیاں خبراں بلکل غلط نیں‘ نواز شریف جدوں ہسپتال وچ آئے تے اوہناں دے سفید سیل بہت گھٹ سن‘ نواز شریف توں میں پُچھیا تُسیں باہرروں معالج بلانا چاہندے او‘ نواز شریف نے کہیا کہ اوہ ایتھوں دے معالج توں مطمین سن۔