kraamaat@gmail.com
+ +92 333-430-6384


بالاں نال پیار نال پیش آنا بہت ضروری اے،دھیاں پیو دے بُہتا نیڑے ہوندیاں نیں: فیصل قریشی۔۔۔٭رویل خبر٭


نمائندا رویل January 08, 2021


لاہور (نیوز ڈیسک) اداکار فیصل قریشی نے کہیا اے کہ دھیاں پیو دے بُہتا نیڑے ہوندیاں نیں۔ اوہناں نے اِک انٹرویو دے دوران بچیاں دے نال ماپیاں دے رشتے بارے گل کردیاں ہویاں کہیا کہ اپنے بچیاں دے نال محبت نال پیش آنا بہت ضروری اے۔ اوہ صرف بچے ای نہیں ساڈے ملک دا مستقبل نیں‘ ایس لئی ماپے ہون دے ناطے ایہ ساڈا اخلاقی فرض اے کہ اسیں اپنے بچیاں دی تربیت کریے تے مینوں احساس ہویا کہ دھیاں اپنے پیو دے بُہتا نیڑے ہوندیاں نیں۔ اوہناں نے کہیا کہ اوہناں دی دھی اوہناں نال بہت پیار کردی اے تے اپنی دھی دے نال رَل کے اوہدیاں پسندیدا سرگرمیاں کرنا پسند کردے نیں۔ اوہناں نے کہیا کہ اوہ رات نُوں شوٹنگ توں دیر نال کیوں نہ آن پر اوہ اپنی دھی آیت لئی صبح سویرے اُٹھدے نیں تے اوہنوں آپ سکول چھڈ کے آندے نیں یاں اوہنوں سکول جان توں پہلے لازمی ملدے نیں۔