اداکارا وجوں میرا کم لوکاں تک چنگیاں شیواں اَپڑانا اے:گوہر خان ۔۔۔٭رویل خبر٭

ممبئی (نیوز ڈیسک) حال ای وچ ویاہ کروان والی بالی ووڈ اداکارا گوہر خان نے بولڈ سینز نہ کرن دی وجھا دَس دِتی۔ بھارتی ٹی وی دے متنازع رئیلیٹی ٹی وی سو بگ باس سیزن 7 دی فاتح تے حال ای وچ بالی ووڈ اداکار تے ڈانسر زید دربار نال ویاہ کروان والی اداکارا گوہر خان نے بولڈ سینز نہ کرن دی وجھا دَس دِتی اے۔ گوہر خان پچھلے ڈیڈھ سال توں کسے وی فلم یاں ویب سیریز دا حصا نہیں نیں۔ اوہناں نے فلماں وچ کم نہ کرن دی وجھا دَسدیاں ہویاں کہیا کہ اوہناں نُوں جس طرحاں دے کرداراں دی پیشکش کیتی جا رہی سی اوہ اپنے آپ نُوں ایہناں کرداراں لئی موزوں نہیں سمجھدے۔ گوہر خان نے ہور کہیا کہ میں اِک گل واضح کر دواں کہ میں بولڈ سینز نہیں کراں گی۔ اداکار وجوں میرا کم اے کہ میں فلماں یاں ویب سیریز راہیں لوکاں تک چنگیاں شیواں پہنچاواں تے اپنے کردار دے نال انصاف کراں۔