میں خطرناک عورت ہاں۔۔۔۔٭رویل شاعری٭

اوہ خطرناک کہندے نیں

میں ہس کے ہامی بھردی ہاں

کیوں ڈردے نیں اوہ میرے توں

آؤ تہانوں میں دسدی ہاں

میں اپنے دل دے بھاواں نوں

قلم دی نوک تے رکھ کے

کراں سینے چوں تیرے پار

بڑی خونخار عورت ہاں

میں خطرناک عورت ہاں…

ہے وکھرا روپ ایہ میرا

انیکاں ہتھ نیں میرے

پکاؤندے نیں کماؤندے نیں

بڑی خُددار عورت ہاں

میں خطرناک عورت ہاں... ..

مینوں رکھدا دبا کے توں

کتِے حق منگ نہ بیٹھاں

میں دب کے وی ہاں خُش رہندی

بڑی دلدار عورت ہاں

میں خطرناک عورت ہاں... ..

کئی میں قتل کر دتے،

کئی میں ہور کرنے نیں،

میں نت ہاں ماردی سفنے،

قاتل قرار عورت ہاں،

میں خطرناک عورت ہاں...

میں خطرناک عورت ہاں...

٭٭٭٭٭