kraamaat@gmail.com
+ +92 333-430-6384


پی ڈی ایم دا 26 مارچ نُوں لانگ مارچ دا فیصلا……٭رویل خبر٭


نمائندا رویل February 05, 2021


اسلام آباد (نیوز ڈیسک) حکومت خلاف ایکا پاکستان ڈیمو کریٹک موومنٹ (پی ڈی ایم) نے 26 مارچ نُوں لانگ مارچ کرن دا فیصلا کیتا اے۔ پی ڈی ایم دے اجلاس وچ مولانا فضل الرحمان‘ بلاول بھٹو زرداری‘ مریم نواز نے رلت کیتی۔ پچھلے وزیراعظم نواز شریف تے صدر آصف علی زرداری نے ویڈیو لنک راہیں خصوصی طور اُتے رلت کیتی۔ اجلاس دوران فیصلا کیتا گیا کہ حکومت دے خلاف لانگ مارچ نُوں مہنگائی مارچ دا ناں دِتا جاوے گا۔ جد کہ 26 مارچ نُوں لانگ مارچ کرن دا فیصلا کیتا گیا اے جد کہ وزیراعظم عمران خان خلاف تحریک عدم اعتماد اُتے پیپلز پارٹی پی ڈی ایم وچ شامل ہور جماعتاں نُوں قائل نہ کر سکی۔ وسیلیاں مطابق تحریک عدم اعتماد تے استعفیاں اُتے سینیٹ الیکشن بعد دُبارا غور ہووے گا۔ غور ہیٹھ مجوزا شیڈول دے مطابق پورے ملک توں قافلے 20 توں 25 مارچ نُوں نکلنا شروع ہون گے‘ فیض آباد پہنچن دی تاریخ پہلی اپریل مقرر ہووے گی‘ فیض آباد وچ سارے قافلے اکٹھے ہو کے اسلام آباد لئی روانا ہون گے۔