کیمیکل ڈور ۔۔۔۔٭رویل شاعری٭

کیمیکل ڈور ۔۔۔۔٭رویل شاعری٭

ڈاکٹر شہلا نگار

تیری یاد دی ڈور

میرے دِل دی گُڈی نوں کس پاندی

دُور اَسمانے بدلوں اُتے

تانگھ سانجھ دی رُت سجا کے

سبھ توں اولھے

اُڈدی جاوے

آپ مہارے نویں نظارے

نویں خمارے

تیز ہوا دے زوری بُلے

جگ نوں بُھلے

سبھ شنگارے ہر ہُلا رے

تنک تنک ریجھاں

تنکاں مارے

ساک اڈاٶ ڈور دا پکا

پک پکیائی توں وی پکا

قانون سماج نوں پچھے دھرکے

کجھ نہ مَن کے

سبھ کجھ جَرکے

اگے اگے اگے ودھ کے

رتی رت نال انگلاں بھر کے

گُڈی ڈور نوں لیندی جاوے

کچی ڈور توں وی کچی

مر جانی ایہ دِلوں بھلاوے

٭٭٭٭٭