ملک وچ کرونا وباء نے اِک دن وچ 75 بندیاں دی جان لے لئی ……٭رویل خبر٭

اسلام آباد (نیوز ڈیسک) پورے ملک وچ کرونا وباء نے اِک دن وچ 75 بندیاں دی جان لے لئی اے ایس طرحاں ہُن ملک وچ ایس وایرس نال واصل ہون والے بندیاں دی گنتی 13 ہزار توں ٹپ گئی اے۔ نیشنل کمانڈ اینڈ اپریشن سینٹر ولوں جاری آنکڑیاں دے مطابق 24 گھنٹیاں دے دوران پورے ملک وچ 32 ہزار 945 بندیاں دے کرونا ٹیسٹ کیتے گئے‘ ایس طرحاں ایس روگ دی تشخیص لئی کیتے جان والے ٹیسٹاں دی گنتی 90 لکھ 55 ہزار 69 ہو گئی اے۔ پورے ملک توں ہور 1 ہزار 388 بندیاں وچ کرونا دی تشخیص ہوئی اے۔ ایس طرحاں ایس وباء نال متاثرا بندیاں دی مجموعی گنتی 5 لکھ 83 ہزار 916 ہو گئی اے۔