میں کرونا ویکسین لگوا کے بہت چنگا محسوس کر رہیا آں: باکسر عامر خان۔۔۔٭رویل خبر٭

لاہور (نیوز ڈیسک) پاکستانی نژاد برطانوی باکسر عامر خان نے عالمی وباء کرونا وایرس توں بچاء لئی ویکسین لگوا لئی۔ سوشل میڈیا سائٹ انسٹا گرام اُتے عامر خان نے اپنی نویں تصویر شیئر کیتی جہدے وچ اوہ ہسپتال وچ موجود نیں تے کرونا ویکسین لگوا رہے نیں۔ عامر خان نے اپنی تصویر دے کیپشن وچ لکھیا کہ ’آکر کار! میں وی کرونا ویکسین لگوا لئی۔‘ باکسر نے ہور لکھیا کہ ’میں کرونا ویکسین لگوا کے بہت چنگا محسوس کر رہیا آں۔ اوہناں نے اپنی پوسٹ دے کیپشن وچ ہیش ٹیگ StaySafe وی استعمال کیتا۔ واضح رہوے کہ پوری دنیا وچ کرونا وایرس توں متاثرا بندیاں دی گنتی 11 کروڑ 58 لکھ تک پہنچ گئی اے جد کہ ایس مہلکت وایرس نال ہُن تک 25 لکھ 72 ہزار توں ودھ بندے ہلاک ہو چکے نیں۔