بابر اعظم دا ورلڈ ریکارڈ خطرے وچ پے گیا۔۔۔٭رویل خبر٭

لاہور (نمایندا رویل) پاکستانی کپتان بابراعظم دا ٹی 20 کرکٹ وچ تیز ترین 1000 سکور مکمل کرن دا ریکارڈ ٹُٹن دے نیڑے اے۔ وسیلیاں دے مطابق قومی ٹیم دے کپتان بابراعظم نے ٹی 20 کرکٹ دی 26 ویں اننگز وچ 1000 سکور دا میل پتھر پار کردیاں ہویاں عالمی ریکارڈ اپنے ناں دے اگے درج کروایا سی‘ پر ہُن ایہ ریکارڈ خطرے وچ اے تے ڈیوڈ میلان دے کول ٹی 20 کرکٹ وچ تیز ترین 1000 سکور مکمل کرن دا بہترین موقع اے۔ انگلش بیٹسمین ڈیوڈ میلان ٹی 20 دیاں صرف 19 اننگز وچ 855 سکور کر چکینیں‘ تے جمعے نُوں شروع ہون والی بھارت خلاف سیریز وچ ہور 145 سکور بنا کے بابراعظم نُوں پچھے چھڈ سکدے نیں۔ واضح رہوے کہ پاکستان ٹیم دے کپتان بابراعظم نے ویرات کوہلی نُوں ایس ریکارڈ توں محرو کیتا سی‘ اوہناں نے 27 اننگز وچ 1000 سکور مکمل کیتے سن۔