سارے وعدے نبھاواں گے، بھاویں گھر وی وِک جائے  :ملک ریاض ــــ رویل

پشاور(نمائندا رویل)بحریہ ٹاؤن دے سربراہ ملک ریاض نے آکھیا اے کہ اوہناں دی اولاد اوورسیز پاکستانی تے برطانوی شہری نیں، سپریم کورٹ نال ساڈا سمجھوتا اے، پیسا دینا اے اسیں اپنا وعدا نبھاواں گے بھاویں سانوں گھر وی ویچنا پئے، اسیں پیسا دیواں گے۔پشاور وچ میڈیا نال گل بات کردے ہوئے ملک ریاض نے آکھیا کہ برطانیا دی نیشنل کرایم ایجنسی نے اک سال انکوایری کیتی اے، سول معاملات اُتے تصفیہ ہویا اے اسیں کوئی جرم نہیں کیتا۔ملک ریاض نے آکھیا کہ این سی اے آکھدی اے کہ اسیں کوئی جرم نہیں کیتا، پیسا پاکستان آنا چاہیدا۔ اوہناں نے آکھیا کہ میرے وانگ ہور لوکاں نوں وی پیسا لیانا چاہیدا۔ ملک ریاض نے آکھیا کہ اوہناں دا پاکستانی حکومت نال کوئی معاملا نہیں اے