kraamaat@gmail.com
+ +92 333-430-6384


نیدر لینڈ دی سوانی ولوں علی ظفر نُوں ویاہ دی پیشکش ……٭رویل خبر٭


نمائندا رویل March 16, 2021


لاہور (نیوز ڈیسک) گلوکار علی ظفر نُوں نیدر لینڈ دی اِک سوانی نے ویاہ دی پیشکش کر دِتی۔ گلوکار تے اداکار علی ظفر نے سنڈے نُوں فن ڈے مناون لئی مداحاں نال گلاں کرن دا سلسلا شروع کیتا۔ اوہناں نے ٹویٹ وچ لکھیا کہ اج اِک چنگا دن اے‘ چلو سوال تے ججواب شروع کردے آں لوک میرے توں کجھ وی پُچھ سکدے نیں۔ علی ظفر دا ٹویٹ کرنا سی کہ مداحاں نے سوالاں دے ڈھیر لا دِتے۔ کسے نے کامیابی دا راز پُچھیا تے کسے مداح نے آن والے البم بارے سوال کیتا پر اِک مداح ایہو جہیا سی جہناں نے علی ظفر توں اِک مشکل سوال کر دِتا۔ نیدر لینڈ نال تعلق رکھن والی سنتھیا ستارا نامی صارف نے علی ظفر توں سوال کیتا اے کہ کیہ میں کجھ وی پُچھ لواں؟ تے فیر ایہ دَسو کیہ تُسیں میرے نال ویاہ کرو گے؟ سنتھیا ولوں کیتی جان والی ویاہ دی پیشکش اُتے علی ظفر نے جواب دِتا کہ ایہ تھوڑا مشکل ہو جاوے گا‘ اُمید اے تُسیں میری مجبوری نُوں سمجھو گے۔