کرونا وایرس دی تیجی لہر خطرناک اے،عوامی تھاواں اُتے نہ جاؤ‘ ماسک ہر صورت استعمال کرو:  قومی کرکٹ ٹیم دے کھڈاری……٭رویل خبر٭

لاہور (نیوز ڈیسک) قومی کرکٹرز نے ملک وچ جاری کرونا وایرس دی تیجی لہر توں خبردار کردیاں ہویاں پیغامات جاری کیتے نیں۔ قومی کرکٹ ٹیم دے کوچ وقار یونس نے اپنے پیغام وچ کہیا اے کہ کرونا ویارس دی تیجی لہر خطرناک اے‘ حکومت پاکستان نے وی کرونا وایرس برے احتیاط دی تلقین کیتی اے جد کہ سرفراز احمد نے کہیا اے کہ کرونا وایرس اِک واری فیر تیزی نال ودھ رہیا کھلر رہیا اے‘ عوامی تھواں اُتے نہ جاؤ‘ ماسک دا ہر صورت استعمال کرو۔ محمد حفیظ ولوں کہیا گیا اے کہ سماجی فاصلے نُوں اپناؤ‘ اپنے آپ تے اپنے پیاریاں نُوں کرونا وایرس توں بچاؤ۔ دو جے پاسے شاداب‘ حارث رؤف تے امام الحق ولوں لوکائی توں اپیل کیتی گئی اے کہ کرونا وایرس ایس و پیز دا خیال رکھو۔