kraamaat@gmail.com
+ +92 333-430-6384


اِک دن وچ ہور 30 بندے چلانا کر گئے جد کہ 3 ہزار توں ودھ مثبت کیسز رپورٹ……٭رویل خبر٭


نمائندا رویل March 25, 2021


اسلام آباد (نیوز ڈیسک) پورے ملک وچ کرونا وایرس نال اِک دن وچ ہور 30 بندے چلانا کر گئے جد کہ 3 ہزار توں ودھ مثبت کیسز رپورٹ ہوئے نیں۔ نیشنل کمانڈ اینڈ اپریشن سینٹر ولوں جاری کردا آنکڑیاں دے مطابق پچھلے 24 گھنٹیاں دے دوران 38 ہزار 282 کرونا ٹیسٹ کیتے گئے جہدے بعد مجموعی کووڈ 19 ٹیسٹاں دی گنتی 98 لکھ 95 ہزار 515ہو گئی اے۔ پچھلے 24 گھنٹیاں دوران پورے ملک وچ ہور 3 ہزار 301 مثبت کیسز رپورٹ ہوئے نیں‘ جہدے نال پاکستان وچ کرونا دے مصدقا روگیاں دی گنتی 6 لکھ 37 ہزار 42 ہو گئی اے۔ سرکاری آنکڑیاں مطابق ایس ویلے ملک وچ کرونا دے فعال روگیاں دی گنتی 36 ہزار 849 اے جد کہ 2 ہزار توں ودھ روگیاں دی حالت ماڑی اے۔ پچھلے 24 گھنٹیاں پورے ملک وچ کرونا نال ہور 30 بندیاں دے واصل ہون بعد مرن والیاں دی مجموعی گنتی 13 ہزار 965 ہو گئی اے۔ این سی او سی مطابق کرونا توں 1 دن وچ 957 روگی صحت یاب ہوئے جہدے نال صحت یاب ہون والے روگیاں دی گنتی 5 لکھ 86 ہزار 228 ہو گئی اے۔