kraamaat@gmail.com
+ +92 333-430-6384


انٹرنیشنل میچز نُوں ذہن وچ رکھ کے تیاری کر رہے آں: بابراعظم  ……٭رویل خبر٭


نمائندا رویل March 25, 2021


لاہور (نیوز ڈیسک) قومی کرکٹ ٹیم دے کپتان بابراعظم دا انٹرا سکواڈ پریکٹس میچ بارے کہنا اے کہ پریکٹس میچاں توں بھرواں فایدا چُکن دی کوشش کراں گے‘ انٹرنیشنل میچاں نُوں ذہن وچ رکھ کے تیاری کر رہے آں۔ پاکستان کرکٹ کیمپ وچ جاری انٹرا سکواڈ پریکٹس میچاں وچ ٹیم گرین دیقیادت بابراعظم تے ٹیم وائٹ دی قیادت سرفراز احمد کر رہے نیں۔ انٹرا سکواڈ پریکٹس میچز دے تحت ہون والے اج دوجے میچ وچ ٹیم گرین نے ٹیم وائٹ دے خلاف ٹاس جت کے بیٹنگ دا فیصلا کیتا اے۔ ٹیم گرین دے کپتان بابراعظم نے اپنے بیان وچ کہیا اے کہ ٹاس جت کے پہلے بیٹنگ دا فیصلا کیتا اے تاں جے شروع دی مشکل کنڈیشنز دا ساہمنا کر سکیے‘ امید اے کہ پریکٹس میچاں توں بہت فایدا ہووے گا۔۔