مسلم تے کیتھولک لئی رشتے نہیں کرواندے،سیما تپار یا نے مسلم ہون وجھوں میرا رشتا کروان توں انکار کیتا گیا: نوشین علی سردار……٭رویل خبر٭

ممبئی (نیٹ نیوز) بھارتی ٹیلی وژن اداکار نوشین علی سردار دا کہنا اے کہ بھارت دی مشہور رشتے کروان والی سوانی سیما تپار یا نے مسلمان ہون دی وجھا توں اوہناں دا رشتا کروان توں انکار کر دِتا سی۔ بھارتی میڈیا نُوں دِتے گئے انٹرویو وچ اداکارا نے انکشاف کیتا کہ سیما تپاریا نے اوہناں نُوں واضح طور اُتے کَہ دِتا سی کہ اوہ مسلم تے کیتھولک لئی رشتے نہیں کرواندے۔ اداکارا نے دَسیا کہ کرونا لاک ڈاؤن دوران میری فیملی دی خاہش سی کہ میں کسے میرج بیورو وچ اپنے کوائف جمع کراواں پر میں تاریخاں تے عام طریقے کار وچ نہیں پینا چاہندی سی ایس لئی بھارت وچ رشتے کروان دے حوالے توں مشہور سیما آنٹی نال رابطا کیتا سی‘ میں تے میراپروار اوس ویلے خاصے حیران ہوئے جدوں سیما تپاریا نے صاف صاف رشتا کروان توں انکار کیتا۔