بھارتی گلوکار بپی لہری وی کرونا وایرس  دا شکار ……٭رویل خبر٭

ممبئی (نیٹ نیوز) بالی ووڈ دے مشہور گلوکار بپی لہری وی عالمی وباء کرونا وایرس دا شکار ہو گئے۔ بھارتی میڈیا رپورٹاں مطابق بی لہری دے نیڑلے وسیلیاں نے دَسیا کہ گلوکار دا کرونا وایرس ٹیسٹ مثبت آ گیا اے جہدے بعد اوہناں نُوں ممبئی دے اِک ہسپتال وچ داخل کر دِتا گیا اے۔ بپی لہری دے ترجمان نے دَسیا کہ گلوکار نُوں کرونا وایرس دیاں علامتاں ظاہر ہوئیاں سن جہدے بعد اوہناں دا ٹیسٹ کیتا گیا تے بدقسمتی نال نتیجے مثبت آئے نیں۔ ترجمان نے کہیا کہ بپی لہری دی طبیعت وِگڑن اُتے اوہناں نُوں ممبئی دے اِک ہسپتال وچ داخل کر دِتا گیا جتھے ڈاکٹرز اوہناں دی دیکھ بھال کر رہے نیں۔ اوہناں نے اپیل کردیاں ہویاں کہیا کہ حالیا دناں وچ جہڑا کوئی بپی لہری دے نال رابطے وچ سی اوہ لازمی اپنا کرونا وایرس ٹیسٹ کروائے تے احتیاطی تدبیراں وی اختیار کرے۔