پاپ سنگر نازیہ حسن دا جمن دیہاڑ اج منایا جاوے گا ……٭رویل خبر٭

اسلام آباد (نمایندا رویل) برصغیر دی معروف پاپ سنگر نازیہ حسن دا 56 واں جمن دیہاڑ 3 اپریل ہفتے نُوں منایا جاوے گا‘ ایس سلسلے وچ اوہناں دے مداح خصوصی تقریبات دا اہتمام کرن گے جہدے وچ جمن دیہاڑ دے کیک کٹے جان گے۔ صدارتی ایوارڈ یافتا نازیہ حسن 3 اپریل 1965 نُوں کراچی وچ پیدا ہوئے۔ اوہناں نے اپنا بچپن کراچی تے لندن دے تعلیمی اداریاں وچ لنگھایا۔ 1980 وچ نازیہ حسن صرف 15 ورھیاں دی عمر وچ اوس ویلے شہرت دیاں اُچیائیاں اُتے پہنچ گئے جدوں اوہناں نے بھارت دے معروف فلم ساز فیروز خان دی فلم ”قربانی“ وچ ”آپ جیسا کوئی میری زندگی میں آئے تو بات بن جائے“ گایا۔ نازیہ حسن نے پی ٹی وی اُتے متعدد پروگرام تے ٹی وی کمرشلز وچ وی کم کیتا۔