وزیراعظم عمران خان نے جہانگیر ترین خلاف بیان بازی توں ڈَک دِتا……٭رویل خبر٭

اسلام آباد (نمایندا رویل) تحریک انصاف دے سینئر آگو وزیراعظم عمران خان تے جہانگیر ترین دے بیک ڈور رابطے کروان وچ کامیاب ہو گئے‘و زیراعظم عمران خان نے پہلے مرحلے وچ فوری طور اُتے پارٹی آگوواں نُوں جہانگیر ترین دے خلاف بیان بازی توں ڈَک دِتا۔ وسیلیاں نے دَسیا کہ جہانگیر ترین تے عمران خان دے نیڑلے رفقاء نے دوہاں آگوواں دے رابطے کروان وچ اہم کردار ادا کیتا تے مشورا دِتا اے کہ صلح ول ودھیا جاوے‘ اختلافات نال حکومت تے پارٹی نُوں ڈاڈھا نقصان پہنچ رہیا اے۔ وسیلیاں نے دعوا کیتا اے کہ جہانگیر ترین عدالتاں وچ اپنا دفاع جاری رکھن گے پر اوہناں نُوں ضمانت دے طور اُتے ریلیف دین دے معاملے اُتے غور کیتا جا رہیا اے۔