کرونا وایرس:رے ملک وچ کرونا نال ہور 110 بندے اگلے جہان ٹر گئے،5364نویں روگی آ گئے……٭رویل خبر٭

اسلام آباد (نیوز ڈیسک) پورے ملک وچ کرونا نال ہور 110 بندے چلانا کر گئے۔ نیشنل کمانڈ اینڈ اپریشن سنٹر دے مطابق پچھلے 24 گھنٹیاں دے دوران پورے ملک وچ کرونا دے 64481 ٹیسٹ کیتے گئے جہناں وِچوں 5364 بندیاں وچ کرونا وایرس دی تصدیق ہوئی‘ ملک وچ کرونا کیسز مثبت آن دی شرح 8.31 فیصد رہی جد کہ کرونا نال ہلاکتاں دی گنتی 15982 ہو گئی اے تے مجموعی کیسز 7 لکھ 45182 تک جا اپڑے نیں جد کہ فعال کیساں دی گنتی 78425 اے۔ ایہدے علاوا 24 گھنٹیاں دے دوران پورے ملک وچ 4123 روگی کرونا توں صحتیاب وی ہوئے جہدے بعد مجموعی طور اُتے صحتیاب ہون والیاں دی گنتی 6 لکھ 50775 ہو گئی اے۔ دوجے پاسے پوری دنیا وچ پچھلے 24 گھنٹیاں دوران کرونا وایرس دے 8 لکھ توں ودھ نویں کیسز ساہمنے آئے نیں جد کہ ایس وباء نال ساڈھے 13 ہزار توں ودھ بندے مَوت دے مونہ وچ پہنچ گئے۔