kraamaat@gmail.com
+ +92 333-430-6384


کرونا ایمرجنسی لئی آکسیجن تے ضروری سٹاک موجود نہیں: شبلی فراز……٭رویل خبر٭


نمائندا رویل April 27, 2021


اسلام آباد (نیوز ڈیسک) وزیر سائنس اینڈ ٹیکنالوجی شبلی فراز دا کہنا اے کہ پاکستان دے تیار کردا وینٹی لیٹرز کارآمد نہیں‘ این آر ٹی سی تے پرائیویٹ فرماں وینٹی لیٹرز بنا رہیاں نیں پر ساڈے وینٹی لیٹرز 16 وِچوں صرف 4 فنکشنز اُتے پورا اُتردے نیں‘ ساڈے کول کرونا ایمرجنسی لئی آکسیجن تے ضروری سٹاک موجود نہیں‘ سٹیل ملز دے آکسیجن پلانٹ ہنگامی طور اُتے فعال کرن وچ وی مسئلے نیں۔ اسلام آباد وچ نسٹ یونیورسٹی دے دورے دے بعد میڈیا نال گلبات کردیاں ہویاں شبلی فراز دا کہنا سی کہ وزیر صنعت تے پیداوار نال سٹیل ملز دے پلانٹ بارے گل ہوئی اے‘ سٹیل ملز توں آکسیجن ہنگامی طور اُتے فعال کرن وچ ویلا لگے گا‘ جے انج ہو جاوے تے چنگی گل اے پر لگدا اے کہ ایہدے وچ مسئلے نیں۔ شبلی فراز نے کہیا کہ کرونا نال نبڑن لئی ساڈے توں جو وی بھارت لئی ہو سکیا ضرور کراں گے‘ ایہ انسانیت دا مسئلا اے‘ بھارت دے نال پوریاں ہمدردیاں نیں۔ اوہناں نے ہور کہیا کہ حکومت دا کم نوکریاں دینا نہیں سگوں بزنس لئی ماحول تے موقعے فراہم کرنا ہوندا اے‘ اسیں لوکل وسائل دا استعمال کردیاں ہویاں ملک نُوں اگے لے کے جانا اے۔