کرکٹر شعیب ملک نے اداکاری دی دنیا وچ قدم رکھ دِتا  ……٭رویل خبر٭

لاہور (نیوز ڈیسک) کرکٹر شعیب ملک نے اداکاری دی دنیا وچ قدم رکھ دِتا۔ اوہناں نے اِک ٹی وی شو دے دوران انکشاف کیتا کہ اوہناں نے بطور کرکٹر بہت پذیرائی حاصل کیتی اے پر اوہ کرکٹ اُتے اپنی توجا مرکوز رکھدیاں ہویاں اداکاری دے شعبے وچ اپنی قسمت ازمانا چاہندے نیں تے بڑی چھیتی اوہ اِک ڈراما سیریل وچ نظر آن گے۔ اوہناں نے ہور دَسیا کہ ایہ شائقین لئی اِک سرپرائز ہووے گا تے اوہناں نے ایس ڈرامے دے کجھ سین عکس بند کروائے نیں پر اوہناں نے ڈرامے دی ہور تفصیلات بارے اگاہ نہیں کیتا اے۔ اِک سوال اُتے اوہناں نے کہیا کہ اوہناں نُوں اداکاری دا بہت شوق اے تے اوہناں دی گھروالی ثانیہ مرزا وی چاہندے نیں کہ شعیب ملک اداکاری کرن۔