سنبل فیملی دی سبھ توں من پسندشخصیت سی: بشریٰ انصاری ……٭رویل خبر٭

کراچی (نیوز ڈیسک) پاکستان دی لیجنڈ اداکارا بشریٰ انصاری نے پچھلے دن اِک ویڈیو جاری کیتی جہدے وچ اوہناں نے نہایت افسردا لہجے وچ دَسیا کہ کرونا دی سمجھ اوسے ویلے آندی اے جدوں تہاڈا کوئی اپنا ایس خطرناک وائرس دا شکار ہو کے ایس دنیا توں چلا جاندا اے۔ چالو مہینے دی ابتداء وچ بشریٰ انصاری دی بھین سنبل شاہد کرونا وائرس دے بعد ایس دنیا نُوں چھڈ گئے سن۔ ویڈیو وچ بشری انصاری اپنی بھین دی مَوت دے غم و چ نڈھال نظر آ رہے سن۔ اوہناں نے کہیا کہ تُسیں ساریاں نے سُنیا کجھ دن پہلے اسیں اپنی بھین سنبل شاہد نُوں گوا دِتا۔ کرونا دے بارے وچ کئی معلومات سانوں دِتیاں جاندیاں نیں‘ بہت کجھ دَسیا جاندا اے تے اسیں ویکھ وی رہے آں پر سمجھ وچ اودوں آندا اے جدوں تہاڈا کوئی اپنا‘ کوئی پیارا اینی تکلیف نال اینی مشکل نال ایس وائرس دیو جھا توں ایس جہان نُوں چھڈ کے چلا جاندا اے۔