فلم ” رادھے“  نے  نیوزی لینڈ‘ برطانیا تے آسٹریلیا وچ کروڑاں کما لئے ……٭رویل خبر٭

ممبئی (نیوز ڈیسک) بالی ووڈ سپر سٹار سلمان خان دی چالو مہینے ریلیز ہون والی فلم ”رادھے“ بھارت دے علاوا کئی ملکاں دے سینما وچ ویکھی تے پسند کیتی جا رہی اے۔ بھارتی میڈیا مطابق آسٹریلیا وچ فلم نے 12 دن وچ 2 کروڑ 65 لکھ توں ودھ بھارتی رُپئے کما لئے۔ ایہدے علاوا نیوزی لینڈ وچ 12 دناں وچ فلم دی کمائی تقریبن 52 لکھ رہی۔ رپورٹاں دے مطابق امریکی باکس آفس اُتے فلم نے 12 دن وچ 2 کروڑ توں ودھ دا بزنس کر لیا اے۔ ایہدے علاوا برطانیا وچ فلم دا بزنس 8 د وچ 72 لکھ توں ودھ رہیا۔ واضح رہوے کہ 13 مئی نُوں ریلیز ہون والی فلم ”رادھے“ دی مین کاسٹ وچ سلمان خان سنے دیشا پٹانی‘ جیکی شروف تے رندیپ ہودا شامل نیں۔