ٹک ٹاک وجھوں مرن دیاں خبراں جھوٹھیاں: جنت مرزا ……٭رویل خبر٭

لاہور (نیوز ڈیسک) پاکستان دی نمبر ون ٹک ٹاک سٹار تے پاکستان فلم انڈسٹری دی نویں اُبھردی ہوئی نوجوان اداکارا جنت مرزا نے کہیا اے کہ ایہ ساریاں خبراں جھوٹھیاں نیں کہ ٹک ٹاک بناندیاں ہویاں کوئی مر گیا کیوں جے ایس پلیٹ فارم دے اپنے قوانین نیں جہناں دی خلاف ورزی نہیں کیتی جا سکدی۔ سوشل میڈیا اُتے جنت مرزا دی اِک ویڈیو کلپ وائرل ہو رہی اے جہدے وچ اوہ انٹرویو دے رہے نیں۔ انٹرویو دوران اِک اہم انکشفا کردیاں ہویاں جنت مرزا نے کہیا کہ ’مختصر ویڈیو شیئر نگ ایپ ٹک ٹاک دی اپنے ایس او پیز نیں‘ جہناں دی خلاف ورزی نہیں کیتی جا سکدی۔‘ ٹک ٹاک سٹار نے کہیا کہ ’اسیں ٹک ٹاک وچ کسے قسم دا کوئی اسلحا نہیں وکھا سکدا تے جے کوئی انج کرن دی کوشش کردا اے تے ٹک ٹاک ولوں اوہدی ویڈیو ڈیلیٹ کر دِتی جاندی اے۔