بزدار سرکار وچ 6 ریڈی میڈ وزیر اعلا نیں: عظمیٰ بخاری ……٭رویل خبر٭

لاہور (نیوز ڈیسک) مسلم لیگ (ن) پنجاب دی ترجمان عظمیٰ بخاری نے کہیا اے کہ عثمان بزدار دی حکومت وچ 6 ریڈی میڈ وزیر اعلا نیں جہڑے اوہناں دے خلاف سازش کردے نیں۔ عثمان بزدار جہڑے غیر اخلاقی طریقے نال آئے نیں آپ گھر جان تے چنگا اے۔ پنجاب اسمبلی وچ اِک ہور پندرھاں رکنی گینگ ساہمنے آیا اے۔ عثمان بزدار آپ ڈِگن والے نیں اسیں ایہناں نُوں کیوں ڈِگائیے۔ شیخ رشید نے وی وگدی گنگا وچ ہتھ دھوتے نیں۔ شیخ رشید دے نک تھلے صحافیاں اُتے حملیاں دے واقعات ہو رہے نیں۔ عظمیٰ بخاری نے ہور کہیا کہ تکبیر دیہاڑ دے موقع اُتے قوم نُوں مبارکباد پیش کرنا چاہندی آں‘ اوہی قوماں زندا رہندیاں نیں جہڑیاں اپنے ہیروز نُوں یاد کردیاں نیں۔