انجلینا جولی بریڈ پٹ خلاف عدالتی جنگ ہار گئے ……٭رویل خبر٭

لاہور (نیوز ڈیسک) عالمی شہرت یافتا ہالی ووڈ اداکارا تے اقوام متحدا دی خصوصی سفیر انجلینا جولی اپنے پچھلے خاوند بریڈ پٹ دے خلاف بچیاں دی تحویل لئی لمی مدت توں چلن والی عدالتی جنگ ہارن دے بعد جج اُتے برہم ہو گئے۔ اداکار بریڈ پٹ نے اپنی پچھلی گھروالی انجلینا جولی دے خلاف لمی عدالتی جنگ جت لئی اے۔ عدالت ولوں بریڈ پٹ نُوں انجلینا دے نال بچیاں دی سانجھی تحویل دین دا فیصلا سنا دِتا گیا اے۔ غیر ملکی میڈیا مطابق‘ انجلینا جولی نے جج دے فیصلے اُتے تنقید کردیاں ہویاں کہیا اے کہ جج نے اوہناں دے بچیاں دی تحویل دے سلسلے وچ ہون والی سنوائی وچ بچیاں دی گواہی دین دی اجازت نہیں دِتی۔ رپورٹ مطابق اداکارا نُوں سانجھی تحویل دے فیصلے اُتے اعتراض نہیں سی پر ایتھے ہرکھ دے ہور مسئلے سن۔