جہانگیر ترین دی گھروالیاں سنے گرفتاری دا امکان……٭رویل خبر٭

اسلام آباد (نیو ز ڈیسک) ایف آئی اے ولوں تحریک انصاف دے آگو جہانگیر ترین دی گرفتاری لئی تیاری شروع کر دِتی گئی۔ فیڈرل انویسٹی گیشن ایجنسی (ایف آئی اے) وسیلیاں دے حوالے توں میڈیا رپورٹاں مطابق وزیراعظم دے مشیر شہزاد اکبر دی ایف آئی اے آمد دے بعد پاکستان تحریک انصاف دے آگو جہانگیر ترین بارے کیسز د ی انویسٹی گیشنز وچ اِک وار فیر تیزی آ گئی جہدے بعد جہانگیر ترین تے اوہناں دے گھروالیاں دے خلاف درج مقدمیاں دی تحقیقات دی پراگرس رپورٹ تیار کر لئی گئی۔ ایف آئی اے وسیلیاں مطابق ترین دی گرفتاری لئی ورکنگ پیپرز دی تیاری شروع کر دِتی گئی ے۔ جہدے لئی کیسز دی تحقیقاتی ٹیم دی اگوائی وی اِک وار فیر ڈائریکٹر ایف آئی اے ڈاکٹر رضوان دے حوالے کر دِتی گئی اے۔