اداکارا سارہ یوسف سوہنیاں دی ملکہ قرار،اداکارا ولوں انسٹا گرام اُتے کئی تصویراں شیئر کیتیاں گئیاں نیں ……٭رویل خبر٭

لاہور (نیوز ڈیسک) پاکستان شوبز انڈسٹری دی نامور اداکارا سائرہ یوسف دے برائیڈل فوٹو شوٹ نے اوہناں دے مداحاں نُوں تعریفاں کرن اُتے مجبور کر دِتا اے۔ اوہناں نے اپنے انسٹا گرام اکاؤنٹ اُتے جاری متعدد پوسٹ وچ مداحاں دے دل جت لئے نیں۔ پوسٹاں وچ اداکارا نے دولھن بنے سرخ عروسی جوڑے وچ ملبوس تصویراں شیئر کیتیاں تے نال ای اِک کالے لباس وچ بھاری بھرکم جیولری دے نال وی تصویر جاری کیتی۔ اداکارا نے ڈیزائنر سارہ شاہ جہان لئی اپنا ایہ شُوٹ کروایا جہنوں پسند کرن والیاں وچ اوہناں دے مداحاں سنے معروف شخصیات وی شامل نیں۔ گلوکارا آئمہ بیگ نے سائرہ یوسف دی تصویر اُتے کمنٹ وچ کہیا کہ ’تُسیں بے حد دلکش تے دل نشین او۔‘ ماہرین خان نے کہیا کہ اوہناں دا ایہ شوٹ تے انتہائی دلکش اے۔سائرہ دے مداحاں نے اوہناں دی خوبصورتی نوں ویکھدیاں ہویاں اوہناں نُوں ملکہ وی مِتھ دِتا اے۔