kraamaat@gmail.com
+ +92 333-430-6384


عرفان خان دی دِتی ہوئی عیدی اج وی کول اے:صباء قمر ……٭رویل خبر٭


نمائندا رویل June 02, 2021


لاہور (نیوز ڈیسک) معروف اداکارا صباء قمر نے مرحوم بھارتی اداکار عرفان خان نُوں یاد کردیاں ہویاں کہیا اے کہ اوہناں دی دِتی ہوئی عیدی اج وی اوہناں دے کول اے۔ نجی پروگرام وچ مجمان نے اداکارا دے انسٹا گرام اُتے موجود اِک تصویر دے حوالے توں پُچھیا جہدے اُتے اوہناں نے دَسیا کہ ایہ اوس ویلے دی ا جدوں فلم ہندی میڈیم دی شوٹنگ دِلی وچ جاری سی تے ایس دوران عید الاضحی آ گئی۔ صباء دا کہنا سی کہ اوہ میری پہلی عید سی جدوں میں اپنے گھر اُتے موجود نہیں سی‘ میں عرفان نُوں کہیا کہ مینوں عیدی چاہیدی اے تے اوہناں نے مینوں عیدی دِتی سی۔ اداکارا نے دَسیا کہ عرفان دا دِتا ہویا ایہ نوٹ اج وی میرے کول موجود اے۔ انٹرویو دوران صباء قمر دا کہنا سی کہ میں عرفان دی بچپن توں مداح رہی آں‘ اوہ بہت چنگے انسان سن۔