جمعے دے خطبیاں وچ کرونا ویکسین لگوان دی پریرنا دین:صدر پاکستان دی عالماں اگے بینتی……٭رویل خبر٭

اسلام آباد (نیوز ڈیسک) صدر مملکت ڈاکٹر عارف علوی نے علماء مشائخ توں اپیل کیتی اے کہ اوہ آندے جمعے دے خطبیاں وچ کرونا ویکسین لگوان دی تلقین کرن کیوں جے ممبر تے محراب لوکائی دی تدریس لئی اہمیت رکھدے نیں‘ ویکسین لگن نال صنعتاں‘ کارخانے تے ہور کاروباری سرگرمیاں شروع ہو سکن گیاں۔ کرونا ویکسین دے حوالے توں پرے ملک دے علماء تے مشائخ دا مشاورتی اجلاس ہویا۔ اجلاس وچ پورے ملک دے مختلف مکاتب فکر دے علماء ویڈو لنک راہیں رلت کیتی۔ صدر مملکت ڈاکٹر عارف علوی نے کرونا ویکسین بارے علماء مشائخ نال خطاب کردیاں ہویاں کہیا کہ کرونا وباء دوران میڈیا‘ حکومت تے علماء کرام نے رَل کے کم کیتا ممبر تے محراب لوکائی دی تدریس لئی اہمیت رکھدے نیں۔ اوہناں نے کہیا کہ وباء دے دوران صحت دی لوڑ دا حساس پروان چڑھیا‘ لوکائی دی صحت دی حفاظت بنیادی مقصد اے‘ صحت دے ماہرین دی رائے تے ویکسین لگوان نُوں درست متھیا گیا اے‘ علماء کرام 4 جون جمعے والے دن ویکسین لگوان دی تلقین کرن‘ لوکائی دی جان دی حفاظت دین دے مقصداں وِچوں اِک اے‘ کرونا اِک روگ اے جہدی روک تھام شریعت دا تقاضا ای نہیں سگوں حکم وی اے‘ کرونا نال لکھاں بندے لقما اجل بن چُکے نیں‘ صحت دے ماہرین وی کرونا ویکسین لگوان اُتے زور دے رہے نیں‘ امید کردے آں علماء وی کرونا ویکسین لگوان دی اہمیت نُوں سمجھدیاں ہویاں ایہدی ترغیب دین گے۔ ڈاکٹرعارف علوی نے کہیا کہ کرونا دی ویکسین نال وباء اُتے قابو پایا جاوے گا جہدے بعد بتدریج صنعتاں‘ کارخانے تے ہور کاروباری سرگرمیاں شروع ہون لگن گیاں جہد ے نال مزدوراں دے معاشی مسئلے حل ہون گے‘ پاکستان وچ کرونا دی روک تھام لئی جہڑی ویکسین تجویز کیتی گئی اے ایہناں وچ شامل اجزاء اُتے علماء تے مشائخ نُوں مکمل اعتبار اے‘ علماء نے آپ وی ویکسین لگوائی اے تے لوکائی نُوں پریرن۔