کسے چنگے پراجیکٹ لئی ٹِنڈ وی کروا سکدی آں: صباء قمر……٭رویل خبر٭

لاہور (نیو ز ڈیسک) اداکارا صباء قمر نے کہیا اے کہ اوہ کسے چنگے پراجیکٹ لئی سر وی منڈوا سکدے نیں۔ اوہناں نے حالیا ٹی وی شو وچ رلت دے دوران کہیا کہ جے اوہناں نُوں کوئی معیاری پراجیکٹ ملدا اے جہدے کردار دی ڈیمانڈ سرمنڈوانا ہووے تے اوہ ضرور اپنا سر منڈوان گے۔ ایس حوالے توں اداکارا نے اپنے سنگی اداکاراواں توں فون اُے رائے وی لئی جہدے اُتے اداکار عدنان صدیقی‘ مہوش حیات تے سرمد کھوسٹ نے رضا مندی دا اظہار کیتا جد کہ اداکار بلال اشرف نے اداکارا نُوں مشورا دیندیاں ہویاں کہیا کہ جے اوہ کوئی ہالی ووڈ دا وڈاپراجیکٹ کرن جا رہے نیں تے اوہ لازمی ایس آپشن دا انتخاب کرن‘ اداکار دی لئی لازمی ہوند ا اے کہ اوہ کردار وچ پوری طرحاں ڈھل جاوے۔