لو کائی بلا خوف کرونا ویکسین لگوائے: طاہر اشرفی ……٭رویل خبر٭

اسلام آباد (نیوز ڈیسک) وزیراعظم دے معاون خصوصی علاما طاہر اشرفی نے لوکائی توں اپیل کیتی اے کہ کرونا وائرس توں تحفظ لئی بلا خوف ویکسین لگواؤ‘ ویکسین دا پاکستان وچ بننا بہت وڈی کامیابی اے۔ سعودی عرب نُوں وی پاکستان دے تجربیاں توں فایدا چُکنا چاہیدا اے۔ جمعے والے دن میڈیا نال گلبات کردیاں ہویاں علاما طاہر اشرفی دا کہنا سی کہ کرونا ویکسین لگوا کے ای اپنے آپ نُوں تے دوجیاں نُوں محفوظ رکھیا جا سکدا اے‘ ویکسین دے خلاف کیتا جان والا پراپیگنڈا بے بنیاد اے‘ ویکسین لگوان نال جسم اُتے کوئی منفی اثر نہیں ہوندا۔ اوہناں دا کہنا سی کہ علماء تے مشائخ لوکائی دے تحفظات دور کرن جد کہ مسجد مدارس دے مسئلے ترجیحی بنیاداں اُتے حل کیتے جا رہے نیں۔