پنجاب دا بجٹ عوامی امنگاں مطابق ہووے گا: بزدار……٭رویل خبر٭

حیدر آباد ٹاؤن (نمایندا رویل) وزیر اعلا پنجاب نے کہیا اے کہ بجٹ لوکائی دیاں امنگاں تے بنیادی لوڑاں دے مطابق ہووے گا‘ سالانا ترقیاتی پروگرام دے تحت پسماندا علاقیاں دی ترقی لئی بُہتے وسائل مختص کیتے جان گے۔ سماجی شعبیاں دی ترقی لئی پہلے توں ودھ فنڈز رکھے جان گے۔ وزیر اعلا پنجاب عثمان بزدار نے کہیا کہ زرعی شعبے نُوں ماضی دیاں حکومتاں نے نظر انداز کیتا۔ پچھلے ادوار وچ کاشتکار استحصالی نظام دا شکار رہیا۔ ساڈی حکومت نے کاشتکار دے حقاں دا تحفظ کیتااے۔ کنک تے گنے دے کاشتکار نُوں اوہدی محنت دا پورا معاوضا مِلیا اے۔ عثمان بزدار نے کہیا کہ آندے بجٹ وچ زرعی شعبا ساڈیاں ترجیحاں وچ اے‘ زراعت دے شعبے دی پائیدار ترقی لئی ریکارڈ فنڈز مختص کیتے جان گے۔