اکنامک سروے لوکائی دشمنی دا ثبوت اے: مریم  اورنگزیب……٭رویل خبر٭

اسلام آباد (نیوز ڈیسک) پاکستان مسلم لیگ (ن) دی ترجمان مریم اورنگزیب نے اقتصادی سروے نُوں حکومت دے مونہ اُتے چپیڑ مِتھ دِتا۔ اپنے بیان وچ اوہناں نے کہیا عمران صاحب نُوں ایہ اقتصادی سروے جاری کرن توں پہلے استعفا دینا چاہیدا سی۔ اوہناں نے کہیا کرپٹ‘ نا اہل تے نالایق حکومت دا اپنا جاری کردا اکنامک سروے لوکائی دشمنی دا ثبوت اے۔ اوہناں نے کہیا اقتصادی سروے وچ عمرا مافیا حکومت نے قرض‘ مہنگائی تے بیروزگاری وچ بدترین وادھے دا اعتراف جرم کیتا۔ اوہناں نے کہیا اکنامک سروے وچ عمران مافیا حکومت لوکائی نُوں غربت دی دلدل وچ سُٹن دا اعتراف گناہ وی کیتا‘ اکنامک سروے وچ معاشی تباہی دا اعتراف کرن توں پہلے ظالم‘ کرپٹ تے نا اہل ٹولے نُوں استعفا دینا چاہیدا سی