اُنتی جون دے بعد گیس دی فراہمی ہور گھٹن دا دھڑکُو……٭رویل خبر٭

کراچی (نیوز ڈیسک) ملک وچ 29 جون دے بعد کجھ دن گیس دی فراہمی ہور گھٹ ہون دا دھڑکُو پیدا ہو گیا اے۔ وسیلیاں دے مطابق کراچی لئی گیس سپلائی وچ 150 ایم ایم سی ایف ڈی کمی دا امکان اے۔ دوجے پاسے سوئی ناردرن لئی گیس سپلائی 600 ایم ایم سی ایف ڈی گھٹ ہووے گی‘ 7 جولائی دے بعد ملک وچ گیس سپلائی معمول اُتے آ جاوے گی۔ صنعتکاراں دا کہنا اے کہ ایہ حقیقت اے کہ ملکی تواریخ وچ پہلی وار گرمیاں وچ گیس دی لوڈشیڈنگ کیتی جا رہی ا تے جے وفاقی حکومت نے ایہدی بہتری لئی کوئی اقدامات نہ کیتے تے گھریلو تے صنعتی صارفین لئی ڈاڈھیاں اوکڑاں پیدا ہو سکدیاں نیں۔