پٹرولیم وستاں اُتے عاید سیلز ٹیکس دی شرح وچ گھٹ کر دتی گئی ……٭رویل خبر٭

اسلام آباد (نیوز ڈیسک) حکومت نے چالو مہینے پٹرولیم مصنوعات اُتے سیلز ٹیکس دی شرح وچ دُبارا گھٹ کر دِتی اے۔ میڈیا رپورٹاں مطابق حکومت نے پٹرولیم مصنوعات اُتے عاید سیلز ٹیکس وچ کمی کردیاں ہویاں نوٹیفکیشن وی جاری کر دِتا اے۔ نوٹیفکیشن دے مطابق پٹرول تے ہائی سپیڈ ڈیزل اُتے 17 فیصد سیلز ٹیکس دی شرح نُوں برقرار رکھیا گیا اے‘ مٹی دے تیل اُتے سیلز ٹیکس 9.15 فیصد گھٹ کر کے 6.7 فیصد تے لائٹ ڈیزل اُتے سیلز ٹیکس 2.74 فیصد گھٹ کر کے 0.2 فیدص مقرر کیتا گیا اے۔ واضح رہوے کہ چالو مہینے حکومت ولوں پٹرولیم مصنوعات اُتے سیلز ٹیکس وچ کمی دوجی وار کیتی گئی اے‘ چالو مہینے دی 9 تاریخ نُوں حکومت نے مٹی دے تیل اُتے سیلز ٹیکس 15.44 فیصد توں گھٹ کر کے 10.07 فیصد‘ لائٹ ڈیزل اُتے سیلز ٹیکس دی شرح 3.67 فیصد کیتی سی۔