روس وچ کرونا دی بھارتی قسم دے کھلار وچ تیزی‘ ہزاراں نویں کیسز رپورٹ……٭رویل خبر٭

ماسکو (نیوز ڈیسک) روس وچ کرونا وائرس دی بھارتی قسم ڈیلٹا نال کرونا دے کھلار وچ تیزی آ گئیا ے۔ پچھلے 24 گھنٹیاں وچ 20 ہزار 538 کیسز رپورٹ ہوئے نیں۔ روسی راجدھانی ماسکو وچ 1 دن وچ کرونا توں ہُن تک دیاں سبھ توں ودھ 144 مَوتاں ہوئیاں نیں۔ اودھر آسٹریلیا وچ وی کرونا دی ڈیلٹا قسم دا کھلار جاری اے‘ سڈنی وچ اج توں دو ہفتیاں دا لاک ڈاؤن نافذ کر دِتا گیا اے جد کہ گوانڈھی ملک نیوزی لینڈ وچ وی حکام الرٹ ہو گئے نیں۔ بنگلا دیش وچ 7 دناں لئی لاک ڈاؤن نافذ کیتا جاوے گا۔