kraamaat@gmail.com
+ +92 333-430-6384


افغانستان دی صورتحال خطرناک اے‘ ایہدے اثرات پاکستان اُتے آ سکدے نیں:آصف علی زرداری……٭رویل خبر٭


نمائندا رویل June 30, 2021


اسلام آباد (نیوز ڈیسک) پچھلے صدر مملکت تے پاکستان پیپلز پارٹی دے آگو آصف علی زرداری دا کہنا اے کہ مانگے تانگے اُتے چلن والی حکومت کدھرے ہے نہیں جے حکومت کدھرے ہووے تے اوہ ڈِگے گی۔ قومی اسمبلی وچ صحافیاں نال غیر رسمی گلبات دے دوران اِک سوال دے جواب وچ آصف علی زرداری نے کہیا کہ افغانستان دے معاملے اُتے اسیں نظر وی رکھنی اے تے سوچ وچار وی کرنا اے‘ افغانستان دی صورتحال خطرناک اے‘ ایہدے اثرات پاکستان اُتے آ سکدے نیں۔ اسرائیل نال رابطیاں دے معاملے اُتے پارلیمان نُوں اعتماد وچ لیا جاوے۔ ایس توں پہلاں آصف زرداری اسلام آباد دی احتساب عدالت وچ 8 ارب رُپئے دی مشکوک ٹرانزیکشن دے کیس وچ پیش ہوئے‘ آصفہ بھٹو وی آصف علی زرداری دے نال عدالت وچ پیش ہوئے۔ آصف علی زرداری نے بطور ملزم عدالت وچ حاضری لائی‘ فاروق ایچ نائیک نے آصف علی زرداری ولوں وکالت ناما جمع کروایا تے آصف زرداری دی ضمانت دا فیصلا عدالت پیش کیتا۔ نیب ولوں آصف زرداری دے مبینا فرمنٹ مین مشتاق احمد بارے رپورٹ پیش کیتی گئی‘ جہدے وچ کہیا گیا اے کہ مشتاق احمد پوری تفتیش دے دوران بلان اُتے پیش نہیں ہویا‘ ساڈیاں اطلاعواں دے مطابق مشتاق احمد 2015 توں بیرون ملک فرار اے‘ عدالت مشتاق احمد دے وارنٹ جاری کرے۔ عدالت نے آصف زرداری نوں حاضری لا کے جان دی اجازت دے دِتی د کہ رلتی ملزم مشتاق احمد نُوں دُبارا نوٹس جاری کر دِتا۔ احتساب عدالت نے آصف زرداری نُوں ریفرنس دیاں نقلاں فراہم کرن دا وی حکم دِتا‘ عدالت نیریفرنس دی سنوائی 27 جولائی تک ملتوی کر دِتی۔