ورلڈ بینک:پاکستان لئی 80 کروڑ ڈالر قرضے دی منظوری……٭رویل خبر٭

اسلام آباد (نیوز ڈیسک) ورلڈ بینک نے پاکستان لئی 80 کرو ڑ ڈالر قرضے دی منظوری دے دِتی۔ عالمی بینک ولوں جاری اعلامیے دے مطابق قرضے نال 2 سال دے عرصے وچ 2 پروگرام شروع کیتے جان گے‘ اِک پروگرام سستی تے کلین توانائی بارے ہووے گا‘ ایس پروگرام دے تحت 40 کروڑ ڈالر نال سستی تے شفاف توانائی مہیا کیتی جاوے گی۔ اعلامیے وچ کہیا گیا اے کہ پروگرام نال بجلی دی پیدواری لاگت وچ کمی‘ ٹیرف اُتے سبسڈی تے ترسیل پروگرام بہتر کیتا جاوے گا جد کہ 40 کروڑ ڈالر انسانی وسائل وچ سرمیا کاری کر کے ہور بہتری لیان لئی ہون گے۔ اعلامیے وچ ہور کہیا گیا اے کہ پروگرام نال صحت تے تعلیم دے شعبے وچ بہتری اُتے کم ہووے گا‘ پروگرام نال غریب طبقے لئی آمدن دے وسیلے بہتر کرن اُتے وی کم ہووے گا۔