شہباز بارے بلاول دا بیان بچگانا اے: احسن اقبال……٭رویل خبر٭

اسلام آباد (نیوز ڈیسک) مسلم لیگ (ن) دے سینئر آگو احسن اقبال نے بجٹ اجلاس وچ اپوزیشن لیڈر میاں شہباز شریف دی عدم موجودگی بارے چیئرمین پاکستان پیپلز پارٹی بلاول بھٹو زرداری دے بیان نُوں بچگانا متھدیاں ہویاں کہیا کہ شہباز شریف اپنے بہنوئی دے انتقال دی وجھا توں اجلاس وچ رلت نہیں کیتی‘ بلاول دا بیان اوہناں دی عمر دے حساب نال تے ٹھیک اے پر اِک پارٹی دے آگو دے حساب نال ٹھیک نہیں۔ اپوزیش دا کم ہوندا اے کہ حکومتی بجٹ دے نقصاں دی نشاندہی کرے‘ اپوزیشن دی نشاندہی اُتے ساڈھے 3 سو ارب دے ٹیکس واپس لئے گئے‘ ایہ بازی گر قوم نُوں ہور دھوکھا دین گے۔ ایس حکومت نے سارے اداریاں دے نال ہائر ایجوکیشن کمیشن نُوں وی تباہ کر دِتا اے۔