سر گھُم گیا اے کہ ساڈیاں عدالتاں کیہ کر رہیاں نیں؟: فواد چودھری……٭رویل خبر٭

اسلام آباد (نیوز ڈیسک) وفاقی وزیر اطلاعات ونشریات فواد چودھری نے کہیا اے کہ ملک جوڈیشل ایکٹوازم دے ہتھوں ارباں ڈالر دے نقصانات برداشت کر رہیا اے۔ بدھ والے دن ٹوئٹر اُتے اپنے بیان وچ اوہناں نے کہیا کہ عدالتی اصلاحات نہ کیتیاں گئیاں تے ملک اقتصادی بحران توں کدی باہر نہیں نکل سکے گا‘ پچھلے دن ٹک ٹاک اُتے پابندی لان تے نیشنل بینک دے صدر نُوں ہٹان دے فیصلے پڑھ کے سر گھُم گیا اے کہ ساڈیاں عدالتاں کیہ کر رہیاں نیں؟ پہلے ای ایہ ملک ایہو جہے جوڈیشل ایکٹوازم دے ہتھوں ارباں ڈالر دے نقصانات برداشت کر رہیا اے۔ اوہناں نے ہور کہیا کہ مغربی معاشرے وچ اسلامو فوبیا دے ودھدے واقعات اُتے تشویش اے۔