دہشتگرداں دا کوئی مذہب نہیں ہوندا: گورنر پنجاب……٭رویل خبر٭

لاہور(نیوز ڈیسک) گورنر پنجاب چودھری محمد سرور نے کہیا اے کہ دہشتگرداں دا کوئی مذہب نہیں ہوندا‘ بے گناہواں نُوں قتل کرن والے یہودی وی دہشتگرد نیں‘ اسیں پہلے ای امریکا دی جنگ وچ اپنا سبھ کجھ گوا دِتا اے تے ہُن امریکا پاکستان توں اڈے لے کے سانوں افغان طالبان نال لڑوانا چاہندا اے پر امریکا نُوں اڈے نہ دین دا پاکستان حتمی فیصلا کر چُکیا اے‘ اسیں افغانستان وچ اپنی مرضی دی حکومت چاہندے آں تے نہ ای امریکا نوں اوتھے مرضی دی حکومت بنانی چاہیدی اے‘ افغانی اسلحے دے نال پیدا ہوندے نیں تے ایہدے نال ای مر جاندے نیں‘ ایہناں نُوں امریکا سنے کوئی شکست نہیں دے سکدا۔ اوہ گورنمنٹ یونیورسٹی لاہور وچ فلسطینیاں نال اکسرتا دے اظہار لئی ”فلسطین سوسائٹی“ دی افتتاحی تقریب نال خطاب کر رہے سن۔