میرے بارے جھوٹھیاں خبرا ں نہ کھلاریاں جان: حریم شاہ ……٭رویل خبر٭

کراچی (نیوز ڈیسک) ٹک ٹاک سٹار حریم شاہ نے ویڈیو پیغام وچ کہیا اے کہ اوہناں دے بارے وچ غیر مصدقا تے جھوٹھ اُتے مبنی خبراں نہ کھلاریاں جان۔ اپنیاں متنازع ویڈیوز دی وجھا توں شہرت حاصل کرن والی پاکستانی ٹک ٹاکر حریم شاہ پچھلے کجھ دناں توں سندھ دے وزیر دے نال شادی کرن دیاں خبراں دی وجھا توں میڈیا اُتے چھائے ہوئے نیں تے ایہناں خبراں پاروں حریم شاہ نے نویں ویڈیو شیئر کیتی اے جہدے وچ اوہناں نے کہیا کہ ”میری سبھ لوکاں توں اِک ای التماس اے کہ میرے بارے غیر مصدقا خبراں نہ کھلاریاں جان۔ میں ایس گل اُتے حیران آں کہ میرے انسٹا گرام اکاؤنٹ دا وزٹ کیتا جا رہیا اے تے میں جتھوں برائیڈل فوٹو شوٹ کروایا اے مختلف میڈیا پلیٹ فارمز اوہناں بیوٹی پارلرز وچ اپڑے تے اوہناں توں میرے بارے وچ مختلف سوالات کر رہے نیں کہ میں برائیڈل فوٹو شوٹ کروان دا کِنا معاوضا لیندی آں وغیرا۔