kraamaat@gmail.com
+ +92 333-430-6384


پاکستان کرکٹ دا بُرا حال ہو چکیا اے،ٹیم ہارے گی تے سوال کوچز توں ہووے گا: عاقب جاوید ……٭رویل خبر٭


نمائندا رویل July 15, 2021


لاہور (نیوز ڈیسک) پچھلے فاسٹ بولر عاقب جاوید دا کہنا اے کہ پاکستان کرکٹ دا بُرا حال ہو چکیا اے‘ پاکستان کرکٹ بورڈ (پی سی بی) نُوں نہ احساس ہو رہیا اے تے نہ ایہدیاں اکھاں کھُل رہیاں نیں‘ ٹیم ہارے گی تے سوال کوچز توں ہووے گا تے تنقید وی اوہناں اُتے ہووے گی۔ قومی کرکٹ ٹیم دی ون ڈے سیریز وچ شکست بعد میڈیا نال گل کردیاں ہویا عاقب جاوید نے کہیا کہ پاکستان کرکٹ بورڈ دی موجودا مینجمنٹ نے 2 ورھے پہلاں اِک چلدے ہوئے سسٹم نُوں روکیا‘ جہڑے طریقے نال روکیاگ یا سی اوہدے نتیجے ہُن ساہمنے آنا شروع ہو چکے نیں‘ عام لوکاں نُوں تے ایہدا احساس ای نہیں اے احساس تے پی سی بی نُوں وی نہیں ہو رہیا تے نہ اوہناں دیاں اکھاں کھُل رہیاں نیں‘ اج قومی ٹیم دی کمکاری اودی ای وجھا اے۔ عاقب جاوید نے کہیا کہ ہیٹھلی سطح اُتے کم نہیں ہو رہیا‘ اکیڈمیز لان دا رجحان ختم ہو گیا اے‘ پہلے 3`3 مہینے دیاں اکیڈمیاں مختلف شہراں وچ لگدیاں ہوندیاں سن‘ ایہناں وِچوں پلیئرز ساہمنے آندے سن پر ہُن اوہ سلسلا روک دِتا گیا اے۔ پچھلے فاسٹ بولر نے کہیا کہ کھڈاریاں دی تیکنیک اُتے کتھ کم ہو رہیا اے‘ پاکستان دے کول بیٹسمین ہے ای کوئی نہیں‘ سیم تے باؤنس وچ تیکنیک ایکسپوز ہو جاندی اے‘ ورلڈ کپ لئی ٹیم بنان لئی ایہناں نے کیہ کیتا اے۔اوہناں نے کہیا کہ اِک ٹیم ای بنا لوو بھاویں اوہ ہارے پر امید تے ہووے گی کہ اوہناں نُوں موقع ملے گا تے جت جان گے پر ایتھے کیہ اے ہر سیریز وچ ٹیم تبدیل کر دِتی جاندی اے۔