kraamaat@gmail.com
+ +92 333-430-6384


جہڑا کم ماپیاں ساہمنے نہیں کیتا جا سکدا اوہ غلط اے:  اداکارا رابعہ بٹ……٭رویل خبر٭


نمائندا رویل July 15, 2021


لاہور (نیوز ڈیسک) پاکستان دی خوبرو اداکارا رابعہ بٹ دا کپڑیاں دے بارے کہنا اے کہ اوہ اپنے ماپیاں دے ساہمنے چھوٹے کپڑے نہیں پا سکدے‘ اوہناں دے خیال وچ جہڑا کم اپنے ماپیاں دے ساہمنے نہیں کیتا جا سکدا اوہ غلط اے۔ رابعہ بٹ نے حال ای وچ دِتے گئے انٹرویو دے دوران پاکستانی اداکاراواں دے پہناوے بارے گل کیتی اے۔ رابعہ بٹ نے اپنے انٹرویو دے دوران کہیا اے کہ ’جے اوہ اج ایتھے بَہ کے گھٹ کپڑے پان والیاں اداکاراواں دے خلاف گل کرن تے اوہ کہڑے مونہ نال کرن گے۔‘ رابعہ بٹ نے کہیا کہ ’اوہناں نے آپ چھوٹے کپڑے پائے ہوئے نیں اوس ویلے اوہناں نُوں ایس گل دی سمجھ نہیں سی اوہ جاندے نہیں سن‘ پر ہُن اوہ سمجھدے نیں کہ ایہ غلط اے‘ ہُن جہڑیاں اداکاراواں گھٹ کپڑیپاندیاں نیں ہو سکدا اے کہ حالے اوہناں دے سکھن تے سمجھن دا ویلا نہ آیا ہووے۔‘