کووڈ 19 دیاں غلط خبراں ہلاکتاں دا کارن، فیس بک نُوں کرونا وائرس ویکسین بارے غلط معلومات نُوں ہٹانا پوے گا:  جو بائیڈن……٭رویل خبر٭

واشنگٹن (نیوز ڈیسک) امریکی صدر جوبائیڈن دا کہنا اے کہ ’فیس بک“ ورگے سوشل میڈیا پلیٹ فارمز اُتے کرونا ویکسین بارے غلط معلومات لوکاں نُوں ہلاک کر رہیاں نیں۔ رائٹرز دی رپورٹ مطابق امریکی صدر نے غلط معلومات تے فیس بک ورگے سوشل میڈیا پلیٹ فارمز لئی پیغام دے حوالے توں اِک سوال دے جواب وچ کہیا کہ ایہ لوکاں نُوں ہلاک کر رہے نیں‘ کرونا وائرس دی وباء دا کھلار صرف ویکسین نہ لگوان والے بندیاں دے وچکار ای اے۔ فیس بک‘ ٹوئٹر تے الفبیٹ انکار پویشن (گوگل) دی ملکیت یوٹیوب سنے سوشل میڈیا پلیٹ فارمز اُتے وبائی روگ دے دوران کووڈ 19 دیاں غلط خبراں دا کھلار نظر آیا‘ ایہ اپنے پلیٹ فارمز اُتے نقصان دہ مواد نُو ں روکن وچ ناکام رہے نیں‘ ایہناں غلط خبراں نُوں ہٹانا پوے گا۔