قومی کرکٹ ٹیم وڈی عید اپنیاں توں دور انگلینڈ وچ منائے گی……٭رویل خبر٭

لندن (نیوزڈیسک) ٹی 20 سیریز کھیڈن وچ مصروف پاکستان کرکٹ ٹیم وڈی عید اپنیاں توں دور انگلینڈ وچ منائے گی۔ قومی کرکٹ ٹیم تے انگلینڈ دے وچکار دوجا ٹی 20 میچ اج کھیڈیا جاوے گا جد کہ سیریز دا تیجا تے آخری ٹی 20 منگل نُوں ہووے گا۔ گرین شرٹس بدھ نُوں انگلینڈ توں ویسٹ انڈیز لئی روانا ہووے گی‘ جد کہ پاکستان وچ موجود ٹیسٹ کرکٹرز اپنے اپنے گھراں وچ عید کرن گے۔ قومی ٹیسٹ سکواڈ وچ شامل کھڈاریاں دا عید دے دوجے دن لاہور دے مقامی ہوٹل وچ بائیو سیکیور ببل شروع ہووے گا۔ دوجے پاسے پاکستان وومن ٹیم دورا ویسٹ انڈیز ختم کر کے 20 تے 21 جولائی دی وچکارلی رات پاکستان پہنچے گی جہد ے بعد اوہ اپنے گھروالیاں نال وڈی عید منا سکے گی۔